اش_ ( لا تسري...ترى ...الليل بدري...)واق

[center]

السـلام عليكم ورحـمة الله وبركاته..
أسعد الله أيامـكم..
،،
،
ما قلت لا تسري.. ترى الليل بدري..
الليل يجمع بالهوا كل الاحباب..

لو طلت عمرك.. وانت طلت عمري..
رسمت لك العمر مخطوطة كتاب..

تقرا.. مثل ماينقرا كل شعري..
نطرب لها فرحة ونرقص بها إعجاب..

ياصاحبي ما زود العمر هجري..
ولا قصره لقيا ولا جمعة اقراب..

تركت بيدك للهوا كل أمري..
وتركت بيدي من ندا ريح الاطياب..

سألت ويش قد الغلا قلت كبري..
وانا كبرت اكثر من العمر طلاب..

سجنت عشقك للمدى وسط صدري..
واغلقت من دونه شبابيك وابواب..

رحلت لكن باقي اقتات صبري..
ليته يكفي قد حاجتك لغياب..

فكرت بك وانقاد للحزن فكري..
غنيت بك والدمع من عيني انساب..

رسمت وجهك بين كسري وكسري..
يطيب كسر وينكسر كل ما طاب..

ما دام ثغرك ما روى نهم ثغري..
ليت العطش يرقى الى جفن واهداب..

قبلت عذرك واقبل الحين عذري..
ما يجرح العاشق سوى جرح الاحباب..
،،
،
أطيب المُـنى..
،،
...أشـ ـواق.."